पर्यावरणाच्या रक्षणासाठी १ लाख बियांचे संकलन,
झाडांची बँक...
सुरेश पार्टे, प्राजक्ता पार्टे यांचा अनोखा उपक्रम......
मेढा : प्रतिनिधी - ( टिम दिव्यदृष्टी नामा न्यूज) -
जागतीक पर्यावरण दिनाचे औचित्य साधून पर्यावरणाच्या रक्षणासाठी झाडांच्या १ लाख बियांचे संकलन तसेच झाडांची बँक तयार करून त्यांचे वृक्षारोपन करण्याचा संकल्प वेण्णामाई पतसंस्थेचे अध्यक्ष / पत्रकार सुरेश पार्टे व मेढा नगरपंचायतीच्या नगरसेविका कु.प्राजक्ता पार्टे यांनी केला आहे.
हि मोहिम ५ जुन पासुन सुरु करण्यात येत आहे. ज्या झाडांच्या बिया जमा होतील त्यांचे शक्य तेवढे जास्तीत जास्त सिडबॉल तयार करून जावली तालुक्यातील सहयाद्रीच्या डोंगररांगा मध्ये रुजण्यासाठी टाकण्यात येणार आहेत.
जावली तालुक्यातून बिया संकलनासाठी मुलांच्या साठी स्पर्धा आयोजीत केली असून लहान गट व मोठा गट अशा दोन गटात स्पर्धा घेण्यात येत असून स्पर्धेत भाग घेण्यासाठी कमीतकमी १ हजार बियांचे उद्दिष्ट असून यासाठी प्रथम क्रमाला -११००/_ रु., द्वितीय - ७०० /- रु व तृतीय क्र. ५०० /- रु. रोख रक्कम व सन्मानचिन्ह देवून गौरविण्यात येणार आहे. तर सहभागी सर्व विद्यार्थ्यांना सन्मानपत्र देवून गौरविण्यात येणार आहे. यास्पर्धेत भाग घेण्यासाठी कुठल्याही रानटी तसेच फळ झाडांच्या बिया ५ जुन ते ५ जुलै या महिनाभराच्या कालावधी मध्ये जमा करावयाच्या आहेत.
तालुक्यातील जास्तीत जास्त विद्यार्थ्यांनी सहभाग घेवून पर्यावरण रक्षणासाठी या मोहिमेस सहकार्य करण्याचे आवाहन सुरेश पार्टे, प्राजक्ता पार्टे यांनी केले आहे.
झाडांची बँक......
या मोहिमेमध्ये आपण झाडांची बँक सुरु करीत आहोत.त्यासाठी आपला, आपल्या प्रियजनांचा वाढदिवस स्मृतीदिन, आपला अत्यंत आनंदाचा क्षण यांची आठवण म्हणून या प्रसंगी आपण एक झाडं आमच्या झाडाच्या बँकेत जमा करावयाचे आहे. महाविद्याल,विद्यालय, प्राथमिक शाळेचे विद्यार्थी, विविध मंडळांचे सभासद, शिवाजीनगर, मेढा महिला मंडळ यांच्या सहकार्याने जमा होणाऱ्या झाडांचे वृक्षारोपन दाते व्यक्तीच्या नांवासह योग्य जागेमध्ये करण्यात येणार आहे. झाडांच्या रूपाने आपल्या आठवणी कायम जीवंत तर राहातीलच शिवाय पर्यावरणाचे रक्षणासाठी आपला हातभार ही लागेल. तेव्हा प्रत्येक व्यक्तीने आपला व आपल्या प्रियजनांचा वाढदिवस, स्मृतिदिन या प्रसंगी एक व त्यापेक्षा जास्त झाडे ( वड, पिंपळ,व अन्य ) आमच्या झाडांचे बँकेत जमा करावीत. पर्यावरण रक्षणासाठीचा हा छोटासा प्रयत्न असून वरील दोन्ही मोहिमेमध्ये जावली तालुक्यातील विद्यार्थ्यांसह सुज्ञ नागरीकांनी सहभागी होवून मोहिमेस सहकार्य करावे असे आवाहन वेण्णामाई पतसंस्थेचे अध्यक्ष / पत्रकार सुरेश पार्टे, नगरसेविका प्राजक्ता पार्टे यांनी केले आहे.
अधिक माहितीसाठी ९४२३२६४२०५ / ७२१९१२७७६८,/९९७५०५७५८२ या मोबाईल वर संपर्क साधावा व बियांचे व झाडांचे संकलन सुरेश पार्टे आर्टस्, प्राजक्ता कलेक्शन,...बसस्थानकासमोर मेढा ता. जावली येथे करावे. असे सुचित करण्यात आले आहे.
